ട്രിപ്പിള് ജനിതകമാറ്റം വന്ന കൊവിഡ് അജ്ഞാതം, ബംഗാളില് പടരുന്നു, ഏറ്റവും അപകടകാരി
കൊല്ക്കത്ത: ബംഗാളില് കൊവിഡിന്റെ പുതിയൊരു വകഭേദം കണ്ടെത്തിയതില് ഇന്ത്യന് മെഡിക്കല് ലോകം ആശങ്കയില്. അതിവേഗം പടരുന്ന ജനിതകമാറ്റം വന്ന വൈറസാണ് ഇതെന്ന് സ്ഥിരീകരിച്ചിട്ടുണ്ട്. എന്നാല് ഈ വൈറസ് ഏത് തരത്തിലുള്ളതാണെന്ന് പ്രവചിക്കാന് സാധിച്ചിട്ടില്ല. ബംഗാളിലാണ് ഇത് ഏറ്റവും രൂക്ഷമായുള്ളത്. ട്രിപ്പിള് മ്യൂട്ടന്റ് വേരിയന്റ് എന്നാണ് പുതിയ വൈറസ് അറിയപ്പെടുന്നത്. ദില്ലിയിലും മഹാരാഷ്ട്രയിലും ഈ വൈറസിന്റെ സാന്നിധ്യം കണ്ടെത്തിയിട്ടുണ്ട്. കൂടുതല് ഇടത്തേക്ക് വ്യാപിക്കാനുള്ള സാധ്യതയാണ് കാണുന്നത്.
എന്താണ് ട്രിപ്പിള് ജനിതക മാറ്റം വന്ന വൈറസ്
മൂന്ന് തരത്തില് രൂപമാറ്റം അതായത് ജനിതക മാറ്റം സംഭവിച്ച് പുതിയൊരു രൂപഭാവത്തിലേക്ക് ഈ കൊവിഡ് മാറിയിരിക്കുകയാണ്. ബി1618 എന്ന പേരിലാണ് ഇത് അറിയപ്പെടുന്നത്. നേരത്തെ ഇരട്ട ജനിത വ്യതിയാനം സംഭവിച്ച വൈറസും ഇന്ത്യയില് കണ്ടെത്തിയിരുന്നു. ബി1617 എന്നാണ് ഇതിനെ വിളിക്കുന്നത്. കഴിഞ്ഞ വര്ഷം ഒക്ടോബറില് ഈ വേരിയന്റ് ബംഗാളിലെ ഒരു രോഗിയില് നിന്ന് കണ്ടെത്തിയിരുന്നുവെന്ന് ഡോക്ടര്മാര് പറയുന്നു. നിലവില് യുഎസ്, സിംഗപ്പൂര്, സ്വിറ്റ്സര്ലന്റ്, ഫിന്ലന്ഡ് എന്നിവിടങ്ങളിലും സമാനമായ വൈറസ് കണ്ടെത്തിയിട്ടുണ്ട്.
advertisment...
Comments
Post a Comment